‘കടയുടെ മുന്നിൽ വിമാനം ലാന്‍ഡ് ചെയ്യുമോടാ എന്നു പരിഹസിച്ചു’; ഫോബ്സ് പട്ടികയിലെ ജോയി!

മരണം വരേയും എനിക്കു സജീവമായി കച്ചവടം ചെയ്യണം. വിരമിച്ചാൽ നമ്മൾ തൊഴിൽ ഇല്ലാത്തവനാകും. അതോടെ നമുക്കു സ്വയം എടുക്കാത്ത നാണയമായി തോന്നിത്തുടങ്ങും. എല്ലാ സുഖ സൗകര്യവുമുണ്ടായിട്ടും ആർക്കും വേണ്ടാത്തവനായി ജീവിച്ചിട്ടെന്തു കാര്യം. രാവും പകലും തിരക്കിൽ നിൽക്കുമ്പോൾ നമുക്കതു തോന്നില്ല. മക്കൾക്ക് എല്ലാ അധികാരവും കൊടുത്തിട്ടുണ്ട്. ഈ കച്ചവടം കെട്ടി ഉയർത്തിയ ആൾ എന്ന നിലയിൽ എനിക്കും ഉത്തരവാദിത്തമുണ്ട്. വിരമിച്ചു കയ്യും കെട്ടി ഇരിക്കാനുള്ളതല്ല ജീവിതം. ജോലി ചെയ്തും സന്തോഷിച്ചും പ്രാർഥിച്ചും സ്നേഹിച്ചും തീർക്കാനുള്ളതാണെന്നു ഞാൻ കരുതുന്നു.