കൊച്ചിയിൽ ജലഅതോറിറ്റി കുഴിച്ച കുഴിയില് വീണ് പരുക്കേറ്റ യുവാവ് മരിച്ചു
Mail This Article
കൊച്ചി ∙ നഗരത്തിൽ ജലഅതോറിറ്റി കുഴിച്ച കുഴിയില് വീണ് പരുക്കേറ്റ യുവാവ് മരിച്ചു. ശ്യാമില് ജേക്കബ് (21) ആണ് ചികിത്സയിലിരിക്കെ മരിച്ചത്. ഫെബ്രുവരി 2ന് രാത്രി 11ഓടെ കങ്ങരപ്പടിയിലെ കുഴിയില് വീണാണ് അപകടമുണ്ടായത്. കുടുംബം പൊലീസിൽ പരാതി നൽകി.
Read Also: വാതിൽ തുറന്നപ്പോൾ നിലത്തുവീണ നിലയിൽ; ടീപ്പോയിൽ തലയിടിച്ചെന്ന് നിഗമനം, നെറ്റിയിൽ മുറിവ്
ജനുവരി 21ന് മെയിൻ പൈപ്പ്ലൈൻ പൊട്ടിയതിനെത്തുടർന്ന് വാട്ടർ അതോറിറ്റി അറ്റകുറ്റപ്പണികൾ നടത്തിയിരുന്നു. വലിയ കുഴി എടുത്തു. പിറ്റേദിവസം മണ്ണിട്ട് കുഴിമൂടി, അപകട സൂചനാ ബോർഡുകളും വച്ചു. പിന്നീട് ഈ ബോർഡുകൾ അവിടെനിന്ന് മാറ്റുകയായിരുന്നു. ശ്യാമിൽ അപകടത്തിൽപ്പെട്ടതിനു ശേഷമാണ് റോഡിൽ കട്ടയിട്ട് പണി പൂർത്തീകരിച്ചത്.
English Summary: Young man died after falling into a pit dug by the Water Authority