‘സർവകേരള മദ്യപരെ സംഘടിക്കുവിൻ’: മദ്യനികുതി വർധനയ്ക്കെതിരെ മദ്യപൻമാരുടെ പ്രതിഷേധം

മലപ്പുറം∙ സംസ്ഥാന ബജറ്റിൽ വർധിപ്പിച്ച മദ്യത്തിന്റെ നികുതി പിൻവലിക്കണമെന്ന് ആവശ്യപ്പെട്ട് മദ്യപൻമാരുടെ പ്രതിഷേധം. മലപ്പുറം നിലമ്പൂർ ചെട്ടിയങ്ങാടിയിലായിരുന്നു പ്രതിഷേധം. 

‘മതത്തിനും രാഷ്ട്രീയത്തിനും ഉപരി, സർവകേരള മദ്യപരെ സംഘടിക്കുവിൻ, നഷ്ടപ്പെടുവാൻ ഇല്ലൊന്നും ദിവസക്കൂലി കാശല്ലാതെ, മദ്യ നികുതി തീവെട്ടിക്കൊള്ള പിൻവലിക്കുക’ എന്ന് എഴുതിയ ബാനറുമായാണ് പ്രതിഷേധ ധർണ നടത്തിയത്. 

മദ്യത്തിന്റെ 25 ശതമാനം നികുതി പിൻവലിക്കുക, കേരളത്തിന്റെ ഒന്നാം നമ്പർ നികുതിദായകരോട് നീതി പുലർത്തുക, അന്യസംസ്ഥാനങ്ങളിൽ നിന്ന് നിത്യോപയോഗ മദ്യത്തിന് പ്രത്യേക പാസ് അനുവദിക്കുക തുടങ്ങിയ ആവശ്യങ്ങളുന്നയിച്ചായിരുന്നു പ്രതിഷേധം. 

English Summary: Drunkards protest against Liquor Tax Hike