അരിക്കൊമ്പന്‍ വീണ്ടും പെരിയകനാല്‍ എസ്റ്റേറ്റില്‍; നിരീക്ഷിച്ച് വനംവകുപ്പ്

മൂന്നാർ∙ ഇന്നലെ ദൗത്യമേഖലയായ 301 കോളനിക്ക് സമീപത്തെത്തിയ അരിക്കൊമ്പൻ വീണ്ടും പെരിയകനാൽ എസ്റ്റേറ്റിലേക്ക് കയറി. ഒരു പിടിയാനയ്ക്കും രണ്ടു കുട്ടികൾക്കും ഒപ്പമാണ് അരിക്കൊമ്പൻ വീണ്ടും എസ്റ്റേറ്റിലേക്ക് കയറിയത്. പെരിയകനാൽ എസ്റ്റേറ്റ് ന്യൂ ഡിവിഷനിലെ ലയത്തിന്റെ സമീപത്തു കൂടെയാണ് ആനക്കൂട്ടം നീങ്ങിയത്. ഇതു ലയങ്ങളിൽ താമസിക്കുന്ന ആളുകളെയും ഭീതിയിലാഴ്ത്തി.

ആനയുടെ ഓരോ നീക്കങ്ങളും വനംവകുപ്പ് നിരീക്ഷിക്കുന്നുണ്ട്. അതിനിടെ, മയക്കുവെടി വയ്ക്കുന്നതിന് മുന്നോടിയായിയുള്ള ഒരുക്കങ്ങളുമായി വനം വകുപ്പ് മുന്നോട്ടു പോവുകയാണ്. 29ന് മോക്ക്ഡ്രിൽ നടത്തും. കോടതിവിധി അനുകൂലമാക്കുന്നതിന് വേണ്ടിയുള്ള എല്ലാ രേഖകളും വനം വകുപ്പ് കൈമാറും.

English Summary: Arikkomaban at Periya Canal