‘സതീശൻ വെറും അലവലാതി; സഭയിൽ കാണിക്കുന്നത് ശുദ്ധ തെമ്മാടിത്തരം’

തൊടുപുഴ∙ പ്രതിപക്ഷ നേതാവ് വി.ഡി.സതീശൻ വെറും അലവലാതിയെന്ന് സിപിഐ ഇടുക്കി മുൻ ജില്ല സെക്രട്ടറി കെ.കെ.ശിവരാമൻ. സതീശന്റെ നേതൃത്വത്തിൽ പ്രതിപക്ഷം നിയമസഭയിൽ കാണിക്കുന്നത് ശുദ്ധ തെമ്മാടിത്തരമാണ്. സിപിഐ ജില്ല രാഷ്ട്രീയ പ്രചരണ ജാഥയിൽ നെടുങ്കണ്ടത്ത് പ്രസംഗിക്കുന്നതിനിടെയാണ് കെ.കെ.ശിവരാമന്റെ വിമർശനം. രാഹുൽ ഗാന്ധിയെ അയോഗ്യനാക്കിയപ്പോൾ സോണിയ ഗാന്ധി കോൺഗ്രസ് എംപിമാരോട് ഡൽഹിയിൽ ക്യാംപ് ചെയ്യാൻ ആവശ്യപ്പെട്ട സമയത്ത് ഇടുക്കി എംപി ഡീൻ കുര്യാക്കോസ്, കെ.സുധാകരൻ എന്നിവർ മുങ്ങിയെന്നും കെ.കെ.ശിവരാമൻ പരിഹസിച്ചു.

English Summary: CPI leader K.K.Sivaraman against V.D.Satheesan