രണ്ടു ചീറ്റ കുഞ്ഞുങ്ങൾ കൂടി ചത്തു; കുനോയിൽ ആകെ ചത്തത് മൂന്ന്, ഒരെണ്ണം ചികിത്സയിൽ

ഭോപാൽ∙ മധ്യപ്രദേശിലെ കുനോ ദേശീയോദ്യാനത്തില്‍ രണ്ടു ചീറ്റ കുഞ്ഞുങ്ങള്‍ കൂടി ചത്തു. പ്രോജക്ട് ചീറ്റയുടെ ഭാഗമായി നമീബിയയിൽ നിന്നെനത്തിച്ച ജ്വാല എന്ന ചീറ്റയുടെ രണ്ടുമാസം പ്രായമുള്ള കുഞ്ഞുങ്ങളാണ് അസുഖവും ബാധിച്ച് ചത്തത്. ജ്വാല പ്രസവിച്ച നാലു കുഞ്ഞുങ്ങളിൽ മൂന്നെണ്ണവും രണ്ടുദിവസത്തിനിടെ ചത്തു. 

ദേശീയോദ്യാനത്തില്‍ 46 മുതൽ 47 ഡിഗ്രി സെൽഷ്യസ് ചൂടാണ് അനുഭവപ്പെടുന്നത്. ഇതേതുടർന്ന് ചീറ്റക്കുഞ്ഞുങ്ങളുടെ ആരോഗ്യം മോശമാകുകയായിരുന്നു. ഇവയെ നിർജ്ജലീകരിക്കപ്പെട്ട അവസ്ഥയിൽ കണ്ടെത്തുകയായിരുന്നു. നാലാമത്തെ ചീറ്റ കുഞ്ഞ് പാൽപൂരിലെ വെറ്റിനറി ആശുപത്രിയിൽ ചികിത്സയിലാണ്. ഇതിനെ നിരീക്ഷിക്കുന്നതിനായി നമീബിയയിലേയും ദക്ഷിണാഫ്രിക്കയിലേയും വിദഗ്ധരുമായി ബന്ധപ്പെടുന്നുണ്ട്. 

പ്രോജക്ട് ചീറ്റയുടെ ഭാഗമായി ദക്ഷിണാഫ്രിക്കയിൽനിന്നും നമീബിയയിൽനിന്നും 20 ചീറ്റകളെയാണ് ഇന്ത്യയിൽ എത്തിച്ചിരുന്നത്. 

English Summary: 2 More Cheetah Cubs Die In Kuno National Park