കേരളത്തിൽ നിന്നുള്ള തിരുവനന്തപുരം – ഷാലിമാർ എക്സ്പ്രസ് റദ്ദാക്കി; ഒരെണ്ണം വഴിതിരിച്ചുവിട്ടു
Mail This Article
തിരുവനന്തപുരം∙ ഒഡീഷയിലെ ബാലസോറിലുണ്ടായ ട്രെയിൻ അപകടത്തെ തുടർന്ന് 44 ട്രെയിനുകൾ റദ്ദാക്കി. 38 ട്രെയിനുകൾ വഴിതിരിച്ചുവിട്ടു. പത്തെണ്ണം യാത്ര വെട്ടിച്ചുരുക്കി. കേരളത്തിൽനിന്നുള്ള ഒരു ട്രെയിന് റദ്ദാക്കി. ഇന്നു വൈകിട്ട് 4.55നു പുറപ്പെടേണ്ട തിരുവനന്തപുരം സെൻട്രൽ - ഷാലിമാർ ബൈ വീക്കിലി സൂപ്പർഫാസ്റ്റ് എക്സ്പ്രസ് (22641) ആണ് റദ്ദാക്കിയത്.
വൈകിട്ട് 5.20ന് പുറപ്പെടേണ്ട കന്യാകുമാരി - ദിബ്രുഗഡ് വിവേക് സൂപ്പർഫാസ്റ്റ് (22503) വഴി തിരിച്ചുവിടും. ആന്ധ്രയിലെ വിജയനഗരത്തിനും ഖരഗ്പുറിനും ഇടയിലാണ് റൂട്ട് മാറ്റുന്നത്. അപകടത്തിൽപ്പെട്ടവരുടെ കുടുംബാംഗങ്ങൾക്കായി ചെന്നൈയിൽനിന്നു ഒഡീഷയിലെ ഭദ്രകിലേക്കു സ്പെഷൽ ട്രെയിൻ ഓടും (02840 ഡോ. എംജിആർ ചെന്നൈ സെൻട്രൽ– ഭദ്രക് സ്പെഷൽ ട്രെയിൻ). അതേസമയം, അപകടത്തിൽ രക്ഷപ്പെട്ടവരുമായി ഭുവനേശ്വറിൽനിന്നു ചെന്നൈയിലേക്കു പ്രത്യേക ട്രെയിൻ പുറപ്പെട്ടു.
ഡോ. എംജിആർ സെൻട്രലിൽ ഹെൽപ് ഡെസ്ക്കുകൾ ക്രമീകരിച്ചിട്ടുണ്ട്. ചെന്നൈ കൺട്രോൾ ഓഫിസിലെ ഹെൽപ്പ്ലൈൻ നമ്പറുകൾ:
044-25330952
044-25330953
044-25354771
English Summary: Odisha Train Accident Updates: 43 Trains Cancelled, 38 Diverted After Accident