മാർ ആൻഡ്രൂസ് താഴത്തുമായി കൂടിക്കാഴ്ച; ചിത്രം‌ പങ്കുവച്ച് അമിത് ഷാ

കൊച്ചി ∙ കേന്ദ്ര ആഭ്യന്തര മന്ത്രി അമിത് ഷായും തൃശൂർ ആർച്ച് ബിഷപ്പ് മാർ ആൻഡ്രൂസ് താഴത്തും കൂടിക്കാഴ്ച നടത്തി. കൊച്ചിയിലെ ചടങ്ങിൽ പങ്കെടുത്തു മടങ്ങുംവഴിയായിരുന്നു കൂടിക്കാഴ്ച. ഇരുവരും തമ്മിലുള്ള കൂടിക്കാഴ്ചയുടെ ചിത്രം അമിത് ഷാ ട്വിറ്ററിൽ പങ്കുവച്ചു.

കൂടിക്കാഴ്ചയുടെ കൂടുതൽ വിവരങ്ങൾ പുറത്തുവന്നിട്ടില്ല. കൊച്ചി അമൃത ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് രജത ജൂബിലിയുടെ ഭാഗമായി ഒരുവർഷം നീണ്ടുനിൽക്കുന്ന ആഘോഷങ്ങൾ ഉദ്ഘാടനം ചെയ്യാനാണു അമിത് ഷാ കൊച്ചിയിലെത്തിയത്.

English Summary: Amit Shah met with Archbishop Andrews Thazhath