പാതിരപ്പള്ളിയിൽ സ്കൂൾ ബസും ലോറിയും കൂട്ടിയിടിച്ചു; വിദ്യാർഥികൾക്കു പരുക്ക്

ആലപ്പുഴ∙ പാതിരപ്പള്ളി ജംഗ്ഷനു വടക്കുഭാഗത്തു സ്കൂൾ ബസും ലോറിയും കൂട്ടിയിടിച്ചു. അഞ്ച് വിദ്യാർഥികൾക്കു പരുക്കേറ്റു. രണ്ടുപേർ ആശുപത്രിയിൽ ചികിത്സ തേടി. കാട്ടൂർ ഹോളി ഫാമിലി വിസിറ്റേഷൻ സ്കൂൾ വിദ്യാർഥികളുമായി പോയ ബസാണ് അപകടത്തിൽപ്പെട്ടത്. ‌

മണ്ണഞ്ചേരി പൊന്നാട് സ്വദേശിയായ ഒന്നാം ക്ലാസ് വിദ്യാർഥിനി സേറാമല്ല, മണ്ണഞ്ചേരി അങ്ങാടി വാർഡ് സ്വദേശി രണ്ടാം ക്ലാസ് വിദ്യാർഥി മുഹമ്മദ് ആഫീഫ് എന്നിവർ തുമ്പോളിയിലെ സ്വകാര്യ ആശുപത്രിയിൽ ചികിത്സ നേടി. ആഫീഫിനു തലയിലും സേറമല്ലയ്ക്കു കഴുത്തിലുമാണ് പരുക്ക്. ‌

അപകടം നടന്ന സ്ഥലത്തിന്റെ മുന്നിലെ കമ്പനിയിലേക്കു സാധനങ്ങൾ എത്തിക്കാൻ വന്നതായിരുന്നു ലോറി. ബസ് പെട്ടെന്ന് ബ്രേക്ക് ചെയ്തപ്പോൾ മുൻ സീറ്റിൽ ഇടിച്ചാണു വിദ്യാർഥികൾക്കു പരുക്കേറ്റത്. 

Read Also: സുരേഷ് ഗോപിയുടെ വാഹനം കടത്തിവിട്ടില്ല; ഇടം വലം ലോറി ഓടിച്ച ഡ്രൈവർ പിടിയിൽ

English Summary: School Bus and Lorry collided in Pathirappally