അരമണിക്കൂര്‍ നമസ്കരിച്ചാലെന്താണ് കുഴപ്പം?; ഇന്ത്യ മതേതര രാജ്യം: മദ്രാസ് ഹൈക്കോടതി

മധുര∙ തമിഴ്നാട് മധുരയിൽ ബക്രീദ് നമസ്കാരത്തിനെതിരായ ഹർജി തള്ളി മദ്രാസ്‌ ഹൈക്കോടതി. ഇന്ത്യ മതേതര രാജ്യമാണെന്നും അര മണിക്കൂർ നമസ്കരിച്ചാൽ എന്ത് സംഭവിക്കുമെന്നും കോടതി ഹര്‍ജിക്കാരനോട് ചോദിച്ചു. മധുരയിൽ മുരുക ക്ഷേത്രത്തോടു ചേർന്നിരിക്കുന്ന തിരുപറകുന്ദ്രം ദർഗയിലെ നമസ്കാരം തടയണമെന്ന് ആവശ്യപ്പെട്ടായിരുന്നു രാമലിംഗയെന്നയാള്‍ മദ്രാസ് ഹൈക്കോടതിയെ സമീപിച്ചത്. തമിഴ്നാട് ദേവസ്വം വകുപ്പിനോട് വിഷയത്തിൽ മറുപടി തേടിയിട്ടുണ്ട്. 

English Summary: Madras HC rejects plea to withheld eid ul adha prayer