സ്പീക്കർ നടത്തിയ പരാമർശത്തെ വർഗീയമായി ചിത്രീകരിക്കാനുള്ള ശ്രമം അപലപനീയം: സിപിഎം

തിരുവനന്തപുരം∙ സ്പീക്കർ എ.എൻ.ഷംസീറിനെതിരെ സംഘപരിവാർ നടത്തുന്ന പ്രചാരണങ്ങൾക്കെതിരെ മതനിരപേക്ഷ സമൂഹം ശക്തമായി പ്രതിഷേധിക്കണമെന്നു സിപിഎം സംസ്ഥാന സെക്രട്ടേറിയറ്റ്. 

മിത്തുകളെ ശാസ്ത്രമായും ചരിത്രമായും കണ്ടുള്ള പ്രചാരണങ്ങൾ ബിജെപി ഏറ്റെടുത്തിരിക്കുകയാണ്. അതിലൂടെ അശാസ്ത്രീയമായ ചിന്തകൾ വ്യാപകമായി പ്രചരിപ്പിക്കുന്നു. ഇതിനെതിരെ വിവിധ തലങ്ങളിൽ നടത്തുന്ന പ്രചാരണങ്ങളുടെ ഭാഗമായി സ്പീക്കർ നടത്തിയ പരാമർശത്തെ വർഗീയമായി ചിത്രീകരിക്കാനുള്ള ശ്രമം അപലപനീയമാണ്. സംഘപരിവാർ നടത്തുന്ന ഇത്തരം പ്രചാരണങ്ങൾ സംബന്ധിച്ച് യുഡിഎഫ് അഭിപ്രായം വ്യക്തമാക്കണം. 

English Summary: CPM supports Speaker AN Shamseer on Myth vs science comment