ഡിജിപി ടോമിന് തച്ചങ്കരി തിങ്കളാഴ്ച വിരമിക്കും; വൈകിട്ട് ഔദ്യോഗിക യാത്രയയപ്പ്
Mail This Article
തിരുവനന്തപുരം∙ ഡിജിപി ടോമിന് ജെ.തച്ചങ്കരി തിങ്കളാഴ്ച സര്വ്വീസില്നിന്ന് വിരമിക്കും. തിങ്കളാഴ്ച രാവിലെ 7.40 ന് തിരുവനന്തപുരത്ത് എസ്എപി പരേഡ് ഗ്രൗണ്ടില് കേരള പൊലീസ് അദ്ദേഹത്തിന് വിടവാങ്ങല് പരേഡ് നല്കും. വൈകിട്ട് നാലു മണിക്ക് പൊലീസ് ആസ്ഥാനത്ത് ഔദ്യോഗിക യാത്രയയപ്പ് സംഘടിപ്പിച്ചിട്ടുണ്ട്.
ഇടുക്കി ജില്ലയിലെ കലയന്താന്നി ഗ്രാമത്തില് ജനിച്ച ടോമിന് ജെ തച്ചങ്കരി 1987 ബാച്ചിലെ ഐപിഎസ് ഓഫീസറാണ്. കേരള കേഡറില് എഎസ്പിയായി ആലപ്പുഴയില് സര്വ്വീസ് ആരംഭിച്ച അദ്ദേഹം കോഴിക്കോട് റൂറല്, ഇടുക്കി, എറണാകുളം റൂറല്, കണ്ണൂര്, പാലക്കാട് എന്നിവിടങ്ങളില് എസ്പിയായി പ്രവര്ത്തിച്ചു. കോട്ടയം ക്രൈംബ്രാഞ്ച്, ക്രൈംബ്രാഞ്ചിന്റെ സ്പെഷ്യല് സെല്, ടെലികമ്മ്യൂണിക്കേഷന്, റെയില്വേസ് എന്നിവിടങ്ങളിലും എസ്പി ആയിരുന്നു. എറണാകുളം ക്രൈംബ്രാഞ്ച്, ടെക്നിക്കല് സര്വ്വീസസ് എന്നിവിടങ്ങളില് ഡിഐജി ആയി ജോലി നോക്കി. ഇടക്കാലത്ത് കേരളാ ബുക്ക്സ് ആൻഡ് പബ്ലിക്കേഷന്സ് സൊസൈറ്റി മാനേജിംഗ് ഡയറക്ടറായിരുന്നു.
സ്റ്റേറ്റ് ക്രൈം റെക്കോര്ഡ്സ് ബ്യൂറോ, പൊലീസ് ആസ്ഥാനം, കണ്ണൂര് റേഞ്ച് എന്നിവിടങ്ങളില് ഐജി ആയും ജോലി നോക്കി. ഐജി ആയിരിക്കെ കേരളാ മാര്ക്കറ്റ്ഫെഡ്, കണ്സ്യൂമര്ഫെഡ്, കേരളാ ബുക്സ് ആൻഡ് പബ്ലിക്കേഷന്സ് സൊസൈറ്റി എന്നിവിടങ്ങളില് മാനേജിംഗ് ഡയറക്ടറായി. പ്രൊട്ടക്ഷന് ഓഫ് സിവില് റൈറ്റ്സ് ഐജി ആയും ട്രാന്സ്പോര്ട്ട് കമ്മിഷണറായും പ്രവര്ത്തിച്ചു. എഡിജിപി ആയി സ്ഥാനക്കയറ്റം ലഭിച്ച ശേഷം കോസ്റ്റല് സെക്യൂരിറ്റിയിലായിരുന്നു ആദ്യ നിയമനം. പൊലീസ് ആസ്ഥാനം, സ്റ്റേറ്റ് ക്രൈം റെക്കോര്ഡ്സ് ബ്യൂറോ, ആംഡ് പൊലീസ് ബറ്റാലിയന്, കോസ്റ്റല് പൊലീസ്, ക്രൈംബ്രാഞ്ച് എന്നിവിടങ്ങളില് എഡിജിപിയായിരുന്നു. കെഎസ്ആര്ടിസിയുടെ ചെയര്മാന് ആൻഡ് മാനേജിംഗ് ഡയറക്ടറുടെ അധികചുമതല വഹിച്ചു. കേരളാ ബുക്സ് ആൻഡ് പബ്ലിക്കേഷന്സ് സൊസൈറ്റിയുടെ ചെയര്മാന് ആൻഡ് മാനേജിംഗ് ഡയറക്ടര്, കേരള പൊലീസ് ഹൗസിംഗ് ആൻഡ് കണ്സ്ട്രക്ഷന് കോര്പ്പറേഷന് മാനേജിംഗ് ഡയറക്ടര് എന്നീ ചുമതലകള് വഹിച്ചു. ഫയര് ആന്റ് റെസ്ക്യു മേധാവിയായും പ്രവര്ത്തിച്ചു.
കേരളാ സ്റ്റേറ്റ് ഫിനാന്ഷ്യല് കോര്പ്പറേഷന് ചെയര്മാന് ആൻഡ് മാനേജിംഗ് ഡയറക്ടര് തസ്തികയിലായിരുന്നു ഡിജിപി ആയി സ്ഥാനക്കയറ്റം ലഭിച്ചശേഷമുളള ആദ്യനിയമനം. തുടര്ന്ന് മനുഷ്യാവകാശ കമ്മിഷനില് ഇന്വെസ്റ്റിഗേഷന് ഡിജിപി ആയി. പരേതയായ അനിത തച്ചങ്കരിയാണ് ഭാര്യ. മേഘ തച്ചങ്കരി, കാവ്യ തച്ചങ്കരി എന്നിവരാണ് മക്കള്. ഇടുക്കി ജില്ലയിലെ ആലക്കോട്, കലയന്താനി, മുതലക്കോടം എന്നിവിടങ്ങളിലായിരുന്നു സ്കൂള് വിദ്യാഭ്യാസം. ചങ്ങനാശ്ശേരി എസ്ബി കോളജിലെ പഠനത്തിനുശേഷം ഡല്ഹി യൂണിവേഴ്സിറ്റിയില്നിന്ന് പൊളിറ്റിക്കല് സയന്സില് ബിരുദാനന്തര ബിരുദം നേടി.
English Summary: DGP Tomin J. Thachankary will retire from service on Monday