പ്രക്ഷോഭങ്ങൾക്ക് പിന്നാലെ നടപടി: മണിപ്പുരിൽ അസം റൈഫിള്സിനെ പിൻവലിച്ചു, പകരം സിആർപിഎഫ്
![manipur-violence കത്തിജ്വലിച്ച്... ഇംഫാലിൽ അനാഥമായ നിലയിലുള്ള വീട് അക്രമികൾ കഴിഞ്ഞദിവസം കത്തിച്ചപ്പോൾ. ചിത്രം: എഎഫ്പി](https://img-mm.manoramaonline.com/content/dam/mm/mo/news/just-in/images/2023/8/7/manipur-violence.jpg?w=1120&h=583)
Mail This Article
ഇംഫാൽ∙ മെയ്തെയ് വനിതകളുടെ നേതൃത്വത്തിൽ നടന്ന വ്യാപക പ്രക്ഷോഭങ്ങൾക്കു പിന്നാലെ മണിപ്പുരിൽ അസം റൈഫിൾസിനെ പിൻവലിച്ചു. തിങ്കളാഴ്ച വൈകിട്ടാണ് ഇതുസംബന്ധിച്ചു മണിപ്പുർ എഡിജിപി ഉത്തരവ് പുറപ്പെടുവിച്ചത്. അസം റൈഫിൾസിനെ പിൻവലിക്കുന്നതായും പകരം പൊലീസിനെയും സിആർപിഎഫിനെയും ഇവിടെ വിന്യസിക്കുമെന്നുമാണ് ഉത്തരവിലുള്ളത്. ബിഷ്ണുപുർ ജില്ലയിലെ പ്രധാന ചെക്പോയിന്റായ മൊയിരാങ് ലാംഖായിൽ സിആർപിഎഫിനെ വിന്യസിച്ചു.
മണിപ്പുരിലെ താഴ്വരകളില് കഴിയുന്നവർക്കു നേരെ അസം റൈഫിൾസ് വലിയ അക്രമങ്ങൾ അഴിച്ചുവിടുന്നതായി ആരോപണങ്ങൾ ഉയർന്നിരുന്നു. കുക്കി ഗോത്രവിഭാഗക്കാരെ സഹായിക്കുന്ന നിലപാടാണ് അസം റൈഫിൾസ് സ്വീകരിക്കുന്നതെന്നും മണിപ്പുരി വനിതകൾക്കെതിരെ രാസവസ്തുക്കൾ ഉപയോഗിക്കുന്നുവെന്നും മെയ്രാ പെയ്ബികൾ എന്നറിയപ്പെടുന്ന മെയ്തെയ് വനിതകൾ ആരോപിച്ചിരുന്നു. മണിപ്പുർ കലാപത്തിന്റെ ആരംഭം മുതൽ തെരുവിലിറങ്ങിയ മെയ്രാ പെയ്ബികളാണ് ഇംഫാൽ താഴ്വരയിൽ പ്രക്ഷോഭത്തിന് നേതൃത്വം നൽകിയത്.
English Summary: Assam Rifles was withdrawn from Manipur