കോയമ്പത്തൂർ സ്ഫോടനം: തമിഴ്നാട്ടില്‍ എൻഐയുടെ വ്യാപക പരിശോധന

കോയമ്പത്തൂർ∙ കോയമ്പത്തൂർ കാർ സ്‌ഫോടനവുമായി ബന്ധപ്പെട്ട് തമിഴ്‌നാട്ടിൽ 30 സ്ഥലങ്ങളിൽ എൻഐഎ പരിശോധന നടക്കുന്നു. കഴിഞ്ഞ വർഷം ഒക്ടോബർ 23ന് കോയമ്പത്തൂർ ഉക്കടം കോട്ടമേട് ഈശ്വരൻ ക്ഷേത്രത്തിനു സമീപം കാർ പൊട്ടിത്തെറിക്കുകയായിരുന്നു.

പ്രദേശവാസിയായ ജമീഷ മുബീനാണ് സ്ഫോടനത്തിനു പിന്നിലെന്നു കണ്ടെത്തിയിരുന്നു. ഇയാൾ തന്നെയാണ് വാഹനം ഓടിച്ചിരുന്നത്. കേസുമായി ബന്ധപ്പെട്ട 11 പേരെ പൊലീസ് അറസ്റ്റ് ചെയ്തിട്ടുണ്ട്. കേസിന്റെ തുടരന്വേഷണത്തിന്റെ ഭാഗമായാണ് ചെന്നൈ അടക്കം തമിഴ്നാട്ടിലെ 30 സ്ഥലങ്ങളിൽ എൻഐഎ പരിശോധന നടത്തുന്നത്.

English Summary: NIA reveals key breakthroughs in Tamil Nadu car blast probe