പോത്തോട്ട മത്സരത്തിന്റെ അതിഥി പട്ടികയിൽ ബ്രിജ്ഭൂഷനും; വിമർശനത്തിനു പിന്നാലെ ഒഴിവാക്കി
![Brij Bhushan Sharan Singh | File Photo: Rahul R Pattom / Manorama ബ്രിജ്ഭൂഷൻ ശരൺ സിങ് (File Photo: Rahul R Pattom / Manorama)](https://img-mm.manoramaonline.com/content/dam/mm/mo/news/just-in/images/2023/11/22/brij-bhushan-sharan-singh-1.jpg?w=1120&h=583)
Mail This Article
×
ബെംഗളൂരു∙ വിമർശനം ശക്തമായതോടെ ബെംഗളൂരുവിൽ നടക്കുന്ന പോത്തോട്ട മത്സരമായ കമ്പളയിലെ അതിഥികളുടെ പട്ടികയിൽ നിന്ന്, ലൈംഗികാതിക്രമ കേസുകളിലെ പ്രതിയായ ബിജെപി എംപി ബ്രിജ്ഭൂഷനെ ഒഴിവാക്കി. നവംബർ 25,26 തീയതികളിൽ നടക്കുന്ന മത്സരത്തിന്റെ ഭാഗമായി ഗുസ്തി താരങ്ങളെ ആദരിക്കുന്നതിനാണ് ബ്രിജ്ഭൂഷനെ ക്ഷണിച്ചിരുന്നത്.
എന്നാൽ വനിതാ ഗുസ്തി താരങ്ങൾക്കെതിരെ ലൈംഗികാതിക്രമം നടത്തിയ 2 കേസുകളിലെ പ്രതിയായ ബ്രിജ്ഭൂഷനെ ചടങ്ങിൽ പങ്കെടുപ്പിക്കുന്നതിനെതിരെ രൂക്ഷ വിമർശനം ഉയരുകയായിരുന്നു. എംപിയുടെ പേരു നീക്കി പുതിയ ക്ഷണപത്രം പുറത്തിറക്കുമെന്ന് സംഘാടക സമിതി പ്രസിഡന്റും കോൺഗ്രസ് എംഎൽഎയുമായ അശോക് റായ് അറിയിച്ചു.
English Summary:
After backlash, Kambala organisers drop Brij Bhushan’s name from list of invitees
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.