സംസ്ഥാനത്ത് രണ്ടു ദിവസം മഴ; മുന്നു ജില്ലകളിൽ ഓറഞ്ച് അലർട്ട്; നാലു ജില്ലകളിൽ യെലോ അലർട്ട്

തിരുവനന്തപുരം∙ കോമറിൻ മേഖലയ്ക്കു മുകളിൽ ചക്രവാതചുഴി നിലനിൽക്കുന്നതിനാൽ കേരളത്തിൽ അടുത്ത അഞ്ചു ദിവസം കൂടി മഴതുടരാൻ സാധ്യത. മഴതുടരുന്ന സാഹചര്യത്തിൽ  വിവിധജില്ലകളിൽ രണ്ടുദിവസത്തേക്ക് ഓറഞ്ച്, യെലോ അലർട്ടുകൾ പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട ജില്ലകളിലാണ് കാലാവസ്ഥാ വകുപ്പ്  ഓറഞ്ച് അലർട്ട് പ്രഖ്യാപിച്ചിരിക്കുന്നത്. ആലപ്പുഴ,  കോട്ടയം, എറണാകുളം, ഇടുക്കി എന്നീ ജില്ലകളിൽ യെലോ അലർട്ടും പ്രഖ്യാപിച്ചിട്ടുണ്ട്.