ജാർഖണ്ഡിൽ ബസന്ത് സോറൻ ഉപമുഖ്യമന്ത്രിയായേക്കും; കോൺഗ്രസിനും ഉപമുഖ്യമന്ത്രി പദമെന്ന് സൂചന
Mail This Article
റാഞ്ചി∙
ജാർഖണ്ഡിൽ മുഖ്യമന്ത്രിയായി സത്യപ്രതിജ്ഞ ചെയ്യുന്ന ചംപയ് സോറനു ഒപ്പം ഉപമുഖ്യമന്ത്രിയായി ബസന്ത് സോറനും സത്യപ്രതിജ്ഞ ചെയ്തേക്കും. ജാർഖണ്ഡ് മുക്തി മോർച്ചയുടെ ദേശീയ പ്രസിഡന്റ് ഷിബു സോറന്റെ ഇളയമകനാണ് ബസന്ത് സോറൻ. ചംപയ് സോറൻ, ബസന്ത് സോറൻ എന്നിവരെ കൂടാതെ കോൺഗ്രസ് നിയമസഭാകക്ഷി നേതാവ് ആലംഗീർ ആലം, ഏക ആർജെഡി നിയമസഭാംഗം സത്യാനന്ദ് ഭോക്ത എന്നിവരും മന്ത്രിമാരായി ഇന്ന് സത്യപ്രതിജ്ഞ ചെയ്തേക്കുമെന്നാണു വിവരം.
ജാർഖണ്ഡ് മുക്തി മോർച്ചയുടെ ദേശീയ പ്രസിഡന്റ് ഷിബു സോറന്റെ ഇളയമകനാണ് ബസന്ത് സോറൻ. ചംപയ് സോറൻ, ബസന്ത് സോറൻ എന്നിവരെ കൂടാതെ കോൺഗ്രസ് നിയമസഭാകക്ഷി നേതാവ് ആലംഗീർ ആലം, ഏക ആർജെഡി നിയമസഭാംഗം സത്യാനന്ദ് ഭോക്ത എന്നിവരും മന്ത്രിമാരായി ഇന്ന് സത്യപ്രതിജ്ഞ ചെയ്തേക്കുമെന്നാണു വിവരം. ആലംഗീറും സത്യാനന്ദും ഹേമന്ത് സോറൻ സർക്കാരിൽ മന്ത്രിമാരായിരുന്നു. മുന്നണി സമവാക്യത്തിന്റെ അടിസ്ഥാനത്തിൽ ആലംഗീർ ആലത്തിനെ രണ്ടാം ഉപമുഖ്യമന്ത്രിയാക്കാനും സാധ്യതയുണ്ട്.
പത്ത് ദിവസത്തിനകം വിശ്വാസ വോട്ട് നേടണമെന്നാണ് ഗവർണർ സി.പി.രാധാകൃഷ്ണൻ ചംപയ് സോറനോട് ആവശ്യപ്പെട്ടിരിക്കുന്നത്. ഭൂരിപക്ഷം തെളിയിക്കാനുളള നിയമസഭയുടെ പ്രത്യേക സമ്മേളനം അടുത്ത ആഴ്ച ചേരും. അനിശ്ചിതത്വത്തിനൊടുവിൽ ഇന്നലെ അർധരാത്രിയോടെയാണ് സർക്കാർ രൂപീകരിക്കാൻ ചംപയ് സോറനെ ഗവർണർ ക്ഷണിച്ചത്. സത്യപ്രതിജ്ഞ വൈകിപ്പിച്ച് അധികാരം പിടിക്കാൻ ബിജെപി ശ്രമിച്ചേക്കുമെന്ന ആശങ്കയിൽ എംഎൽഎമാരെ ഹൈദരാബാദിലേക്ക് അയയ്ക്കാൻ ഇന്നലെ രാത്രി ജെഎംഎം ശ്രമിച്ചെങ്കിലും മോശം കാലാവസ്ഥ മൂലം വിമാനത്തിന്റെ ടേക്ക് ഓഫ് അവസാന നിമിഷം റദ്ദാക്കുകയായിരുന്നു.