ഭാര്യയെ യുവാവ് കഴുത്തറുത്ത് കൊലപ്പെടുത്തി; മകളെ നാട്ടുകാർ രക്ഷപ്പെടുത്തി

ഗാസിയാബാദ്∙ സംശയത്തെത്തുടർന്ന് യുവാവ് ഭാര്യയെ കഴുത്തറുത്ത് കൊലപ്പെടുത്തി. രണ്ടര വയസ്സുള്ള മകളുടെ കഴുത്തിലും സ്വന്തം കഴുത്തിലും ഗുരുതരമായി മുറിവുണ്ടാക്കിയെങ്കിലും നാട്ടുകാരുടെ സമയോചിതമായ ഇടപെടൽ കാരണം ഇരുവരും ആശുപത്രിയിൽ ചികിത്സയിലാണ്. സബ്രീൻ (27) ആണ് കൊല്ലപ്പെട്ടതെന്നു പൊലീസ് അറിയിച്ചു. ഭർത്താവ് ജാവേദ് (30) മുറിയടച്ച ശേഷമാണ് ഭാര്യയെ ആക്രമിച്ചത്. തുടർന്നാണ് കുട്ടിയെ കൊലപ്പെടുത്താനും ജീവനൊടുക്കാനും ശ്രമിച്ചത്. ബഹളം കേട്ടെത്തിയ പരിസരവാസികൾ വാതിൽ തകർത്ത് അകത്തുകയറി മൂവരെയും ആശുപത്രിയിൽ എത്തിക്കുകയായിരുന്നു. ആശുപത്രിയിലെത്തിച്ചപ്പോഴേക്കും സബ്രീൻ മരിച്ചതായി പൊലീസ് അറിയിച്ചു.