വയോധിക സഹോദരങ്ങളെ മഴുകൊണ്ട് വെട്ടിക്കൊന്നു: മാനസികാസ്വാസ്ഥ്യമുള്ള യുവാവ് പിടിയിൽ

മുംബൈ∙ മാനസികാസ്വാസ്ഥ്യമുള്ള യുവാവ്, വയോധികരായ സഹോദരങ്ങളെ മഴു ഉപയോഗിച്ച് വെട്ടിക്കൊലപ്പെടുത്തി. മുകുന്ദ് പാട്ടിൽ (80) ഭീംറാവു (72) എന്നിവരാണ് കൊല്ലപ്പെട്ടത്. പാൽഘറിലെ ബോയ്സറിൽ വ്യാഴാഴ്ച വൈകിട്ടാണു സംഭവം. യാതൊരു പ്രകോപനവും ഇല്ലാതെയാണ് ആക്രമണം നടത്തിയത്.

Read Also: ഹോംസ്റ്റേയുടെ മറവിൽ അനാശാസ്യകേന്ദ്രം, 13 പേർ പിടിയിൽ; യുവതികളെ എത്തിച്ചത് ബെംഗളൂരുവിൽനിന്ന്

ജനം ഓടിക്കൂടിയപ്പോഴേക്കും പ്രതി കിഷോർ ജഗന്നാഥ് കടന്നുകളഞ്ഞു. മണിക്കൂറുകൾ നീണ്ട തിരച്ചിലിനൊടുവിൽ വനമേഖലയ്ക്ക് സമീപത്ത് നിന്നാണ് ഇയാളെ കണ്ടെത്തിയത്. വിചിത്രമായി പെരുമാറുന്ന ഇയാൾ ഏതാനും ദിവസങ്ങളായി പ്രദേശത്ത് ചുറ്റിക്കറങ്ങിയിരുന്നതായി നാട്ടുകാർ മൊഴി നൽകിയിട്ടുണ്ട്.