യുവാവ് സുഹൃത്തിന്റെ ഫ്ലാറ്റിനു മുന്നിൽ മരിച്ച നിലയിൽ: ദുരൂഹതയെന്ന് കുടുംബം
Mail This Article
×
മൈതാൻഗഡി∙ ഡൽഹി മൈതാൻഗഡിയിൽ യുവാവിനെ സുഹൃത്തിന്റെ ഫ്ലാറ്റിനു പുറത്തു മരിച്ചനിലയിൽ കണ്ടെത്തി. ചിരാഗ് ഡൽഹി സ്വദേശിയായ പങ്കജ് സിങ് നേഗി (23) ആണു മരിച്ചത്. സംഭവത്തിൽ ദുരൂഹതയുണ്ടെന്നു കുടുംബാംഗങ്ങൾ ആരോപിച്ചു. തിങ്കളാഴ്ച സുഹൃത്തിനെ കാണാനെന്ന് പറഞ്ഞു വീട്ടിൽനിന്നു പുറപ്പെട്ടതാണ് പങ്കജ്.
അവിടെ വച്ച് വാക്കു തർക്കത്തിനിടെ വീടിന്റെ ടെറസിലേക്കു കയറിപ്പോയി. പിന്നീട് താഴെ ബോധരഹിതനായ നിലയിൽ കണ്ടെത്തിയെന്നാണു സുഹൃത്തിന്റെ വീട്ടുകാർ അറിയിച്ചതെന്ന് പൊലീസ് പറഞ്ഞു. ഗ്രേറ്റർ കൈലാഷിൽ ബാർ ജീവനക്കാരനായ പങ്കജ് വീടിന്റെ മുകളിൽ നിന്നു ചാടി മരിച്ചതാണെന്നാണു പ്രാഥമിക നിഗമനമെന്നു പൊലീസ് പറഞ്ഞു.
English Summary:
Youth was found dead infront of friend's house
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.