തൃശൂർ വെള്ളക്കാരിത്തടത്ത് കിണറ്റിൽ വീണു ചരിഞ്ഞ ആനയെ കരയിലെത്തിച്ചു
![elephant തൃശൂർ വെള്ളക്കാരിത്തടത്ത് കിണറ്റിൽ വീണു ചരിഞ്ഞ ആനയെ കരയ്ക്കെത്തിച്ചപ്പോൾ](https://img-mm.manoramaonline.com/content/dam/mm/mo/news/just-in/images/2024/4/23/elephant.jpg?w=1120&h=583)
Mail This Article
×
തൃശൂർ∙ തൃശൂർ വെള്ളക്കാരിത്തടത്ത് കിണറ്റിൽ വീണു ചരിഞ്ഞ കാട്ടാനയെ വനംവകുപ്പ് ഉദ്യോഗസ്ഥരുടെ നേതൃത്വത്തിൽ കരയിലെത്തിച്ചു. മാന്ദാമംഗലം വെള്ളക്കാരിത്തടം ആനക്കുഴി കുരിക്കാശ്ശേരി സുരേന്ദ്രന്റെ വീട്ടുവളപ്പിലെ ആൾമറയില്ലാത്ത കിണറ്റിലാണ് കൊമ്പനാന വീണത്. ചൊവാഴ്ച വെളുപ്പിന് ഒരു മണിക്കായിരുന്നു സംഭവം.
ആനയെ കരയ്ക്കു കയറ്റാൻ ശ്രമം തുടരുന്നതിനിടെയാണ് ചരിഞ്ഞത്. കിണറിനു സമീപത്തെ മണ്ണിടിച്ച് വഴിയൊരുക്കിയാണ് ആനയെ കരയിലെത്തിച്ചത്. പ്രദേശത്ത് ആനശല്യം രൂക്ഷമാണെന്ന് പ്രദേശവാസികൾ പറയുന്നു.
കിണറിനു സമീപത്തെ പ്ലാവിൽ നിന്നും ചക്ക കഴിക്കാൻ വന്നതായിരുന്നു കാട്ടാന. ആന പതിവായി ഇവിടെ ചക്ക കഴിക്കാൻ എത്താറുണ്ടെന്നാണ് നാട്ടുകാർ പറയുന്നത്.
English Summary:
Wild elephant fell into well, Thrissur
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.