നെടുവന്നൂരിൽ റെയിൽ പാളത്തിന് സമീപം യുവതിയുടെ മൃതദേഹം: വീണതെന്ന് സംശയം, ആളെ തിരിച്ചറിഞ്ഞിട്ടില്ല

കൊച്ചി ∙ ആലുവ നെടുവന്നൂർ റെയിൽവേ ഗേറ്റിന് സമീപം പാളത്തിന് അടുത്ത് യുവതിയുടെ മൃതദേഹം കണ്ടെത്തി. ട്രെയിനിൽനിന്നും വീണതാകാമെന്നാണു പൊലീസ് കരുതുന്നത്. യുവതിയെ തിരിച്ചറിഞ്ഞിട്ടില്ലെന്ന് നെടുമ്പാശ്ശേരി പൊലീസ് അറിയിച്ചു.

20–25 വയസ്സ് പ്രായം തോന്നിക്കുന്ന, 5 അടി 4 ഇഞ്ച് ഉയരമുള്ള, വെളുത്ത നിറത്തിലുള്ള, മെലിഞ്ഞ ശരീരപ്രകൃതമുള്ള യുവതിയുടെ മൃതദേഹമാണ് കണ്ടെത്തിയത്. ആലുവ താലൂക്ക് ആശുപത്രിയിലെ മോർച്ചറിയിൽ സൂക്ഷിച്ചിരിക്കുകയാണു മൃതദേഹം. നീലയിൽ വെള്ളയും പച്ചയും ചുവപ്പും കലർന്ന ചുരിദാർ ടോപ്പും ചുവന്ന പാന്റ്സുമാണ് വേഷം. കഴുത്തിൽ കറുത്തമുത്തു പതിച്ച വെള്ളി നിറത്തോട് കൂടിയ കൊന്തയുമുണ്ട്.