കഞ്ചാവ് കേസിലെ പ്രതിയെ ഒഡീഷയിൽ പോയി പിടികൂടി കേരള പൊലീസ്

കൊച്ചി ∙ കഞ്ചാവ് കേസി പ്രതി ഒഡീഷ റായ്ഗഡ പദംപുർ സ്വദേശി സാംസൻ ഗന്റനെ (33) പെരുമ്പാവൂർ എഎസ്പിയുടെ നേതൃത്വത്തിലുള്ള പ്രത്യേക അന്വേഷണ സംഘം അവിടെച്ചെന്നു പിടികൂടി. കഴിഞ്ഞ 9ന് 16 കിലോ കഞ്ചാവുമായി ഒഡീഷ സ്വദേശി സൂരജ് ബീറയെ മാറമ്പിള്ളിയിൽനിന്ന് അറസ്റ്റ് ചെയ്തിരുന്നു.

അന്വേഷണത്തിൽ ഇയാൾക്ക് കഞ്ചാവ് നൽകിയിരുന്നത് സാംസൻ ആയിരുന്നുവെന്ന് തെളിഞ്ഞു. തുടർന്ന് പെരുമ്പാവൂർ പൊലീസ് ഒഡീഷയിൽ പോയി പ്രതിയെ അറസ്റ്റ് ചെയ്യുകയായിരുന്നു. 72 കിലോ കഞ്ചാവ് കൈവശം വച്ചതിനു തടിയിട്ട് പറമ്പ് സ്റ്റേഷനിലെ കേസിൽ പ്രതിയാണ്. ആറു മാസത്തോളം ജയിൽശിക്ഷ അനുഭവിച്ചിട്ടുണ്ട്.