sections
MORE

കാൽ സ്വയം അറുത്തുമാറ്റി, ജീവൻ രക്ഷിക്കാൻ!

trapped-man
കേർട് കേസർ അപകടത്തിനു ശേഷം.
SHARE

വാഷിങ്ടൻ ∙ പാടത്തു പണിയെടുക്കുന്നതിനിടെ ചോളം മെതിക്കുന്ന യന്ത്രത്തിൽ ഇടതുകാൽ കുടുങ്ങി മരണം മുന്നിൽക്കാണുന്ന കർഷകൻ. അയാളെ വീണ്ടും വീണ്ടും ഉള്ളിലേക്കു വലിച്ചെടുക്കാൻ ശ്രമിക്കുന്ന യന്ത്രം. വേദനതിന്നുന്നതിനിടെ, പോക്കറ്റിലുണ്ടായിരുന്ന കത്തി പുറത്തെടുത്ത് ആ 63 വയസ്സുകാരൻ സ്വന്തം കാൽ അറുത്തുമാറ്റുന്നു. പിന്നെ വലിയൊരു ദൂരം ഇഴഞ്ഞു ചെന്ന് വീട്ടിൽക്കയറി ഫോണെടുത്തു സഹായത്തിനു വിളിക്കുന്നു. മകൻ അംഗമായ രക്ഷാപ്രവർത്തക സംഘം ഒരു നിമിഷം പാഴാക്കാതെ പാഞ്ഞെത്തുന്നു!

ഡാനി ബോയ്ൽ സംവിധാനം ചെയ്ത ‘127 അവേഴ്സ്’ സിനിമയിലെ രംഗങ്ങളുടെ ഓർമുണർത്തിയ സംഭവത്തിലെ ധീരനായകൻ യുഎസിലെ നെബ്രാസ്കയിൽ താമസിക്കുന്ന കേർട് കേസർ. പാറകൾക്കിടയിൽ കൈ കുടുങ്ങി 5 ദിവസം മലഞ്ചെരുവിൽ കുടുങ്ങിക്കിടന്ന പർവതാരോഹകൻ ആരോൺ റാൽസ്റ്റൻ കൈ അറുത്തുമാറ്റി രക്ഷപ്പെട്ട സംഭവം ആസ്പദമാക്കിയുള്ളതാണു ജയിംസ് ഫ്രാങ്കോ അഭിനയിച്ച ‘127 അവേഴ്സ്’. 

തൽസമയ വാർത്തകൾക്ക് മലയാള മനോരമ മൊബൈൽ ആപ് ഡൗൺലോഡ് ചെയ്യൂ
MORE IN WORLD
SHOW MORE
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
FROM ONMANORAMA