ഫിലിപ്പീൻസിൽ ബോട്ട് അപകടം: മരണം 31 ആയി

മനില ∙ ഫിലിപ്പീൻസിൽ കടത്തു ബോട്ടുകൾ മുങ്ങി മരിച്ചവരുടെ എണ്ണം 31 ആയി. മോശം കാലാവസ്ഥയിൽ 3 ബോട്ടുകളാണ് മുങ്ങിയത്. രക്ഷാപ്രവർത്തകർ ഇന്നലെ കൂടുതൽ മൃതദേഹങ്ങൾ കണ്ടെടുത്തതോടെയാണ് മരണ സംഖ്യ ഉയർന്നത്.

ആകെ 96 യാത്രക്കാരും ജീവനക്കാരുമാണ് ബോട്ടുകളിൽ ഉണ്ടായിരുന്നത്. 3 ബോട്ടുകളും കീഴ്മേൽ മറിഞ്ഞു. 3 പേരെ കൂടി കണ്ടുകിട്ടാനുണ്ട്. ബാക്കിയുള്ളവരെ രക്ഷപ്പെടുത്തി.