ആധുനിക മനുഷ്യരുടെ പൂർവികരിൽ ഉണ്ട് ഒരു അജ്ഞാത വംശം

ആധുനിക മനുഷ്യന്റെ പൂർവികരിൽ ഒരു അജ്ഞാത വംശമുണ്ടെന്നു ഗവേഷകർ. പടിഞ്ഞാറൻ ആഫ്രിക്കയിലെ ഗോത്രസംഘങ്ങളിൽ നടത്തിയ നിരീക്ഷണത്തിനൊടുവിലാണ് ശ്രീറാം ശങ്കരരാമൻ എന്ന ഇന്ത്യൻ ശാസ്ത്രജ്ഞൻ നേതൃത്വം കൊടുത്ത കലിഫോർണിയ സർവകലാശാല ഗവേഷകസംഘം ഈ നിഗമനത്തിലെത്തിയത്. പടിഞ്ഞാറൻ ആഫ്രിക്കയിലെ ഗോത്രവംശജരുടെ ജനിതകഘടനയിൽ അഞ്ചിലൊന്ന് അംശം ഈ പൂർവികരിൽ നിന്ന് ഉള്ളതാണ്.

നിയാണ്ടർത്താൽ, ഡെനിസോവൻ തുടങ്ങിയവ പോലെയുള്ള മനുഷ്യരിലെ ഉപവിഭാഗമാകാം ഈ പൂർവികരെന്നാണു കരുതുന്നത് . ഒരു ലക്ഷം വർഷം മുൻപ് അന്നത്തെ മനുഷ്യവംശവുമായി ഇവർ പ്രജനനം നടത്തി. എന്നാൽ ശേഷം ഇവർക്ക് എന്തു സംഭവിച്ചെന്നതിൽ വ്യക്തതയില്ല. കൂടുതൽ പഠനങ്ങൾ നടത്താൻ പദ്ധതിയിടുകയാണ് ശാസ്ത്രസംഘം. 

English Summary: Ghost DNA Hints at Africa’s Missing Ancient Humans