വാക്സീൻ: 460 കോടി ഡോളർ കൂടി നൽകാൻ ജി 20 അംഗരാജ്യങ്ങൾ
Mail This Article
×
റിയാദ്∙ കോവിഡ് വാക്സീൻ വികസിപ്പിക്കാൻ 460 കോടി ഡോളർ കൂടി അംഗ രാജ്യങ്ങൾ ചേർന്നു നൽകാൻ ജി 20 ഉച്ചകോടിയിൽ ധാരണ. ഡിസംബറിനു മുൻപ് ഇത്രയും തുക വാക്സീൻ ഗവേഷണത്തിന് വേണമെന്ന ഐക്യരാഷ്ട്രസംഘടനയുടെ ആവശ്യത്തെ തുടർന്നാണിത്. നേരത്തെ നൽകിയ 2100 കോടി ഡോളറിനു പുറമേയാണിത്.
രണ്ടുദിവസമായി റിയാദിൽ നടന്ന ഉച്ചകോടിയിൽ 19 രാജ്യങ്ങളും യൂറോപ്യൻ യൂണിയനും പങ്കെടുത്തു. അടുത്ത ഉച്ചകോടി നടക്കുന്ന ഇറ്റലിക്ക് അധ്യക്ഷ സ്ഥാനം സൗദി ഭരണാധികാരി സൽമാൻ രാജാവ് കൈമാറി. ആഗോള പ്രതിസന്ധി മറികടക്കാൻ രാജ്യാന്തര സഹകരണവും സംയുക്ത നീക്കവും അനിവാര്യമാണെന്നു കോവിഡ് തെളിയിച്ചതായി സൽമാൻ രാജാവ് പറഞ്ഞു.
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.
