ഹെയ്റ്റി ഭൂചലനം: മരണം 724 ആയി

പോർട്ട് ഓഫ് പ്രിൻസ് ∙ കരീബിയൻ രാജ്യമായ ഹെയ്റ്റിയിൽ രണ്ടു തവണയുണ്ടായ ഭൂചലനത്തിൽ മരിച്ചവരുടെ എണ്ണം 724 ആയി. ചുരുങ്ങിയത് 2800 പേർക്ക് പരുക്കേറ്റു. വീടുകളും ഹോട്ടലുകളും പള്ളികളും അടക്കം തകർന്നുവീണു. രക്ഷാപ്രവർത്തനം തുടരുകയാണ്.

ശനിയാഴ്ചയാണ് 7.2 തീവ്രതയുള്ള ഭൂചലനം ഉണ്ടായത്. പിന്നാലെ പല തവണ തുടർചലനങ്ങളും രാത്രിയോടെ 5.9 തീവ്രതയുള്ള രണ്ടാം ഭൂചലനവും ഉണ്ടായി. തലസ്ഥാനമായ പോർട്ട് ഓഫ് പ്രിൻസിൽ നിന്നും 150 കിലോമീറ്റർ അകലെയുള്ള നഗരമായ പെറ്റിറ്റ് ത്രു നിപ്പസിനു സമീപം ആണ് പ്രഭവകേന്ദ്രം.

English Summary: Haiti earthquake death toll