ചരിത്രം വഴി മാറി; വനിതകൾ മാത്രം പറത്തി സൗദി വിമാനം

റിയാദ്∙ വനിതകൾ മാത്രം നിയന്ത്രിച്ച വിമാനം സൗദിയിലെ റിയാദിൽനിന്ന് ജിദ്ദയിലേക്ക് സർവീസ് നടത്തി ചരിത്രം കുറിച്ചു. ബജറ്റ് എയർലൈൻ ആയ ഫ്ലൈ അദീലിന്റെ 117 യാത്രക്കാരുമായി പറന്ന എ320 വിമാനമാണ്   സ്വദേശികൾ ഉൾപ്പെടെ 7 വനിതകൾ പൂർണായി നിയന്ത്രിച്ചത്. സഹപൈലറ്റായത് ജീവനക്കാരിൽ ഏറ്റവും പ്രായംകുറഞ്ഞ സൗദി വനിത യാറ ജാൻ(23). ചരിത്രത്തിന്റെ ഭാഗമാകാൻ സാധിച്ചതിൽ അഭിമാനിക്കുന്നുവെന്ന് യാറ ജാൻ പറഞ്ഞു. ഫ്ലോറിഡയിലെ ഫ്ലൈറ്റ് സ്കൂളിൽനിന്ന് 2019ൽ ബിരുദം നേടിയ യാറ ജാൻ ഒരു വർഷം മുൻപാണ് ഫ്ലൈ അദീലിൽ ജോലിക്കുചേർന്നത്.

English Summary: Saudi Arabia's first all-female crew takes flight