‘മിസൈൽ അയച്ച് തകർക്കാൻ ഒരു മിനിറ്റ് മതി’; ബോറിസിനെ വിരട്ടി പുട്ടിൻ
![Boris Johnson Boris Johnson. Photo by CARLOS JASSO / AFP](https://img-mm.manoramaonline.com/content/dam/mm/mo/global-malayali/europe/images/2022/10/23/Boris-Johnson.jpg?w=1120&h=583)
Mail This Article
ലണ്ടൻ ∙ മിസൈൽ അയച്ച് എല്ലാം തകർത്തു കളയുമെന്ന് ഫോൺ സംഭാഷണത്തിനിടെ റഷ്യൻ പ്രസിഡന്റ് വ്ലാഡിമിർ പുട്ടിൻ ഭീഷണിപ്പെടുത്തിയെന്ന് ബ്രിട്ടന്റെ മുൻ പ്രധാനമന്ത്രി ബോറിസ് ജോൺസൺ വെളിപ്പെടുത്തി. യുക്രെയ്നിൽ ആക്രമണം തുടങ്ങുന്നതിനു തൊട്ടു മുൻപ്, കഴിഞ്ഞ വർഷം ഫെബ്രുവരിയിണ് അന്ന് പ്രധാനമന്ത്രിയായിരുന്ന ജോൺസണെ ഫോണിൽ ഭീഷണിപ്പെടുത്തിയത്.
ഫോൺവിളിയുടെ വിശദാംശങ്ങൾ അന്നു മാധ്യമങ്ങൾക്കു ലഭ്യമാക്കിയപ്പോൾ ബ്രിട്ടനും റഷ്യയും മനഃപൂർവം ഒഴിവാക്കിയിരുന്ന സംഭാഷണ ശകലങ്ങളാണ് ബിബിസിയുടെ പുതിയ ഡോക്യുമെന്ററിയിൽ ജോൺസൺ വെളിപ്പെടുത്തിയത്. ‘എനിക്ക് ബോറിസിനെ ഉപദ്രവിക്കണമെന്ന് ഒട്ടും ആഗ്രഹമില്ല, പക്ഷേ, മിസൈൽ വിട്ട് എല്ലാം അവസാനിപ്പിക്കാൻ ഒരു മിനിറ്റ് മതിയെന്ന് അറിയാമല്ലോ’ എന്ന മട്ടിലായിരുന്നു പുട്ടിൻ സംസാരിച്ചതെന്ന് ജോൺസൺ ഓർക്കുന്നു. ലോകനേതാക്കളുമായി റഷ്യൻ പ്രസിഡന്റ് നടത്തിയ ആശയവിനിമയങ്ങളാണ് ‘പുട്ടിൻ വേസസ് ദ് വെസ്റ്റ്’ എന്ന ഡോക്യുമെന്ററിയിലുള്ളത്.
English Summary: Ukraine: Boris Johnson says Putin threatened him with missile strike