ലൊസാഞ്ചലസ് ∙ 95–ാം ഓസ്കർ പുരസ്കാര പ്രഖ്യാപനം ഇന്ത്യൻ സമയം രാവിലെ 5.30 മുതൽ ഡിസ്നി പ്ലസ് ഹോട്ട്സ്റ്റാറിൽ തത്സമയം കാണാം (ചടങ്ങു നടക്കുന്ന യുഎസിൽ 12ന് രാത്രി 8ന്). മികച്ച അഭിനേതാക്കൾക്കുളള നാമനിർദേശങ്ങൾ നേടിയ 20 പേരിൽ 16 പേരുടെയും ആദ്യത്തെ നാമനിർദേശമാണിത്.

തമിഴ്നാട്ടിലെ മുതുമല ദേശീയ ഉദ്യാനത്തിൽ രഘു എന്ന ആനക്കുട്ടിയെ വളർത്തുന്ന ബൊമ്മന്റെയും ബെല്ലിയുടെയും കഥ പറയുന്ന ‘ദി എലിഫന്റ് വിസ്പേഴ്സ്’ ഡോക്യുമെന്ററി ഷോർട് ഫിലിം വിഭാഗത്തിൽ ഇന്ത്യയുടെ ഓസ്കർ പ്രതീക്ഷയാണ്. 

മികച്ച ഗാനത്തിനുള്ള മത്സരത്തിൽ ആർആർആറിലെ ‘നാട്ടു നാട്ടു’ പാട്ടുണ്ട്. ഡൽഹിയിൽ മുറിവേറ്റ പക്ഷികൾക്കു വേണ്ടി ആശുപത്രി നടത്തുന്ന സഹോദരന്മാരുടെ കഥ പറയുന്ന ‘ഓൾ ദാറ്റ് ബ്രീത്‌സ്’ മികച്ച ഡോക്യുമെന്ററി ഫിലിം വിഭാഗത്തിലും നാമനിർദേശം നേടിയിട്ടുണ്ട്.

English Summary: Oscar awards to be announced today