കീഴടങ്ങുന്നവരെ റഷ്യ വധിക്കുന്നതായി യുക്രെയ്ൻ

കീവ് ∙ കീഴടങ്ങുന്ന യുക്രെയ്ൻ സൈനികരെ റഷ്യൻ പട്ടാളം വെടിവച്ചു കൊല്ലുന്നതായി യുക്രെയ്ൻ ആരോപിച്ചു. കൈകളുയർത്തി കീഴടങ്ങാനെത്തുന്ന യുക്രെയ്ൻ സൈനികനെ റഷ്യൻ സൈനികർ തോക്കുചൂണ്ടി നടത്തിക്കുന്നതിന്റെയും കമിഴ്ന്നു കിടക്കുമ്പോൾ വെടിവയ്ക്കുന്നതിന്റെയും വിഡിയോയും പുറത്തുവിട്ടു. യുക്രെയ്നിന്റെ പ്രോസിക്യൂട്ടർ ജനറൽ ഓഫിസ് സംഭവത്തിൽ അന്വേഷണം ആരംഭിച്ചു. തെളിയിക്കപ്പെട്ടാൽ യുദ്ധക്കുറ്റമാണിത്. റഷ്യൻ സൈനികർ രാജ്യാന്തര നിയമങ്ങൾ ലംഘിക്കുന്നതായി യുക്രെയ്ൻ പലതവണ ആരോപിച്ചിരുന്നു. 

ഇതേസമയം, ഹംഗറി പ്രധാനമന്ത്രിയെ കാണുന്നതിനായി അവിടേയ്ക്കു പോകാൻ ശ്രമിച്ച മുൻ പ്രസിഡന്റ് പെട്രോ പൊറോഷെങ്കോയെ അതിർത്തിയിൽ തടഞ്ഞു. സൈനിക നിയമം അനുസരിച്ച് 18 നും 60നും ഇടയിൽ പ്രായമുള്ളവർ രാജ്യം വിടുന്നതിന് മുൻകൂർ അനുമതി വാങ്ങണമെന്ന നിയമം ലംഘിച്ചതിനാണിത്.