സംഗീതത്തിൽ ഇഴയടുക്കുന്ന തലമുറകളുടെ സംഗമം; സ്ത്രീ ശബ്ദം കേട്ടു തുടങ്ങിയത് 250 വർഷങ്ങൾക്ക് ശേഷം; 62 വർഷത്തെ പരിഭവം പാടിത്തീർത്ത് ബാലമുരളീകൃഷ്ണ

വീണ്ടും ഒരു നവരാത്രിക്കാലം. കന്യാകുമാരി ജില്ലയെന്നറിയപ്പെടുന്ന നാഞ്ചിനാട്ടിൽ നിന്ന് വിഗ്രഹ ഘോഷയാത്ര തിരുവനന്തപുരത്തേക്ക് എത്തിക്കഴിഞ്ഞു. ഇനി ഉത്സവത്തിന്റെ ഒൻപത് രാപകലുകൾ. ഇത് സവിശേഷമായ വിരുന്നൊരുക്കുന്ന സംഗീതോത്സവത്തിന്റെകൂടി കാലമാണ്. ശ്രീപത്മനാഭ സ്വാമി ക്ഷേത്രത്തിന്റെ കിഴക്കേ നടയിലുള്ള നവരാത്രി മണ്ഡപത്തിലും പരിസരത്തും ഇനിയുള്ള ദിവസങ്ങളിലെ സായന്തനങ്ങൾ സംഗീത സാന്ദ്രമാകും. സ്വാതി തിരുനാൾ മഹാരാജാവ് തുടങ്ങിവച്ച സംഗീതോത്സവത്തിന്റെ തുടർച്ചയാണത്. അതിന്റെ സവിശേഷതകളെക്കുറിച്ച് തിരുവിതാംകൂർ രാജകുടുംബാംഗവും സംഗിതജ്ഞനുമായ അശ്വതി തിരുനാൾ രാമവർമ മനോരമ ഓൺലൈ‌ൻ പ്രീമിയത്തിൽ സംവദിക്കുന്നു...