‘ആരെയും പരിചയമില്ലെങ്കിലും സിനിമ നിർമിക്കാനാവണം; കേരളം മാതൃകയാണ്; കുടുംബം പോലെയായിരുന്നു എന്റെ സിനിമ’

കാൻ ചലച്ചിത്ര മേളയിൽ ഗ്രാൻ പ്രി പുരസ്കാരം നേടിയ ‘ഓൾ വി ഇമാജിൻ ആസ് ലൈറ്റ്’ സംവിധാനം ചെയ്ത പായൽ കപാഡിയ പുരസ്കാരനേട്ടത്തോടനുബന്ധിച്ചു പുറത്തിറക്കിയ പ്രസ്താവനയിൽ കേരളത്തിനും കേരളത്തിലെ സിനിമാപ്രവർത്തകർക്കും നിറഞ്ഞ അഭിനന്ദമറിയിക്കുന്നുണ്ട്. ഫ്രാൻസുൾപ്പെടെയുള്ള രാജ്യങ്ങളിൽ സ്വതന്ത്ര സിനിമാപ്രവർത്തകരെ സഹായിക്കാനായി നിലവിലുള്ള പൊതു ഫണ്ടിങ് സംവിധാനത്തിന്റെ മാതൃകയിൽ വനിതാ സിനിമാ പ്രവർത്തകർക്കായി കേരളത്തിൽ നടപ്പാക്കിയ പദ്ധതി മാതൃകയാണെന്നും കേരളത്തിലെ നടീനടൻമാരും മറ്റു സിനിമാ പ്രവർത്തകരും വളരെ വലിയ പിന്തുണയാണു തന്റെ സിനിമയ്ക്കു നൽകിയതെന്നും പായൽ പറയുന്നു. കലാമൂല്യമുള്ള സിനിമകളെ മനസ്സിലാക്കുന്നതും പിന്തുണയ്ക്കുന്നതുമായ സിനിമാപ്രവർത്തകരും കാണികളുമുള്ള നാടാണു