നടി നയൻതാരയും യുകെ പ്രഥമ വനിത അക്ഷത മൂർത്തിയും തമ്മിൽ എന്താണു സാമ്യം? പച്ചയും പിങ്കും നിറങ്ങൾ ഒരുമിച്ചണിയാൻ ധൈര്യമുള്ളവർ! ഇരുവരുടെയും ഫാഷൻ സെൻസ് കൃത്യവും മികവുറ്റതും! ബോളിവുഡ് ചിത്രം ‘ജവാനി’ലെ ഗാനരംഗത്തിൽ പച്ച സെക്വിൻഡ് സ്കർട്ടും ബ്രൈറ്റ് പിങ്ക് ഷർട്ടും ധരിച്ച് നയൻസ് ചുവടുവയ്ക്കുന്നതിനും മാസങ്ങൾക്കു മുമ്പേ, ജപ്പാനിൽ നടന്ന ജി 7 ഉച്ചകോടിയിൽ പങ്കെടുക്കാൻ ഭർത്താവും ബ്രിട്ടിഷ് പ്രധാനമന്ത്രിയുമായ ഋഷി സുനകിനൊപ്പമെത്തിയ അക്ഷതയുടെ വസ്ത്രങ്ങൾ മാധ്യമ ശ്രദ്ധയാകർഷിച്ചു – പച്ച നിറത്തിലുള്ള ലൂസ് ഫിറ്റ് പാന്റും പിങ്ക് ഷർട്ടും!