ലോകകപ്പ് ക്രിക്കറ്റിൽ വീണ്ടുമൊരു ദക്ഷിണാഫ്രിക്ക – ഓസ്ട്രേലിയ സെമി ഫൈനൽ പോരാട്ടത്തിന് പിച്ചൊരുങ്ങുമ്പോൾ ഒരു ശരാശരി ആരാധകന്റെ മനസ്സിൽ മിന്നിമായുന്ന ഒരുപാട് ചിത്രങ്ങളുണ്ട്. അതിൽ സ്റ്റീവ് വോയുടെ ആത്മവീര്യവും ലാൻസ് ക്ലൂസ്നറുടെ പോരാട്ടവും ഹെർഷൽ ഗിബ്സിന്റെയും അലൻ ഡോണൽഡിന്റെയും മണ്ടത്തരങ്ങളുമെല്ലാം ഒളിമങ്ങാതെ ഉയർന്നു വരും. 1999, 2007 ഏകദിന ലോകകപ്പുകളിലാണ് ദക്ഷിണാഫ്രിക്കയും ഓസ്ട്രേലിയയും സെമിഫൈനലിൽ ഏറ്റുമുട്ടിയത്