നാലാം ഫൈനൽ, രണ്ടാം പരാജയം – രണ്ടും ഓസീസിനോട്. സെമി ഫൈനൽ ഉൾപ്പെടെ ലോകകപ്പിലെ 10 കളികളിൽ നേടിയ തുടർവിജയങ്ങളുടെ ‘തല’പ്പൊക്കവുമായി ഫൈനലിനെത്തിയ ഇന്ത്യയെ വീഴ്ത്തിയത് ഓസീസിന്റെ 'ഹെഡ്'. അനിശ്ചിതത്വങ്ങളുടെയും അവിശ്വസനീയതകളുടെയും ഇത്തരം ഒട്ടേറെ മുഹൂർത്തങ്ങൾ സമ്മാനിച്ച ലോകകപ്പ് ചരിത്രത്തിലൂടെ ഒരു യാത്ര...

2003 ൽ ദക്ഷിണാഫ്രിക്കൻ മണ്ണിൽ നിന്ന് നിറകണ്ണുകളോടെ മൈതാനം വിട്ടത് സൗരവ് ഗാംഗുലിയും സച്ചിൻ തെൻഡുൽക്കറും. ഇത്തവണ അഹമ്മദാബാദിൽ ആ ഊഴം രോഹിത് ശർമയ്ക്കും വിരാട് കോലിക്കും. രണ്ടുതവണയും നിശബ്ദനായി ഒരാൾ ഒപ്പമുണ്ടായിരുന്നു, രാഹുൽ ദ്രാവിഡ്. അന്ന് കളിക്കാരനായും ഇന്ന് പരിശീലകനായും