ഇല്ല, ജീവിതത്തിൽ ഈ മാറ്റം വരുത്തിയാൽ നിങ്ങൾ തളരില്ല! വെറും അര മണിക്കൂർ മതി ; ഇനി ഭാര്യ പറയുന്നത് നിങ്ങൾ കേൾക്കണം

ഒരു സുഖം തോന്നുന്നില്ല ! ഇങ്ങനെ തോന്നാറുണ്ടോ ? ജീവിതത്തിൽ ചില മാറ്റങ്ങൾ വരുത്തേണ്ട സമയമായി എന്ന സന്ദേശമാണിത്. തിരുവനന്തപുരം മെഡിക്കൽ കോളേജിലെ സൈക്യാട്രി പ്രൊഫസർ, ഒാണററി കൺസൾട്ടന്റ് സൈക്യാട്രിസ്റ്റ് ശ്രീ ചിത്രതിരുനാൾ ഇൻസ്റ്റിറ്റ്യൂട്ട് ഒാഫ് മെഡിക്കൽ സയൻസ് ആൻഡ് ടെക്നോളജിയുമായ ഡോ. അരുൺ ബി. നായർ പറയുന്നു. മാനസിക സമ്മർദ്ദത്തെ അതിജീവിക്കാനാകാതെ മരണത്തിൽ അഭയം കണ്ടെത്തുന്നവരുടെ എണ്ണം കേരളത്തിൽ വർധിച്ച് വരികയാണ്. 2023–ലെ നാഷണൽ ക്രൈം റെക്കോർഡ്സ് ബ്യൂറോയുടെ കണക്കുപ്രകാരം ഒരുലക്ഷം ജനസംഖ്യയിൽ 28.5 പേർ കേരളത്തിൽ ആത്മഹത്യ ചെയ്യുന്നു. കഴിഞ്ഞ വർഷം മാത്രം 10,162പേരാണ് കേരളത്തിൽ ആത്മഹത്യ ചെയ്തത്.