ബെംഗളൂരുവിൽ പ്രധാനമന്ത്രി നരേന്ദ്രമോദിയുടെ റോഡ് ഷോ പൊടിപൊടിക്കുന്നതിനിടയിലാണ് ആ വാർത്ത എത്തിയത്. ‘കാര്യങ്ങൾ ശുഭകരമല്ല’. രഹസ്യാന്വേഷണവൃ‍ത്തങ്ങൾ ഇങ്ങനെ പ്രധാനമന്ത്രിയെ ധരിപ്പിച്ചെന്നാണ് വാർത്തകൾ. പ്രധാനമന്ത്രിയുടെ പരിശ്രമംകൊണ്ട് സംസ്ഥാനത്തെ ബിജെപി ഭരണകൂടത്തോടുള്ള എതിർപ്പ് മയപ്പെടാൻ പോകുന്നില്ല എന്നായിരുന്നു നിഗമനം. സംസ്ഥാനത്തെ മൊത്തം ഫലം വന്നപ്പോൾ അത് ശരിയെന്നു തെളിഞ്ഞു. ‘ദക്ഷിണേന്ത്യയിലെ ഗുജറാത്ത്’ എന്ന അഭിലാഷം കൂടിയാണ് ബിജെപിയുടെ കൈയിൽനിന്ന് വഴുതിപ്പോയത്. ഞങ്ങൾക്ക് ഗുജറാത്താകേണ്ട, കർണാടകയായി നിന്നാൽ മതിയെന്ന് ജനം വിധിയെഴുതി.