ലോക പണക്കാരിൽ ആദ്യ അഞ്ചിൽ സ്ഥാനം പിടിച്ചിട്ടുള്ള മൈക്രോസോഫ്റ്റ് സ്ഥാപകൻ ബിൽ ഗേറ്റ്സിന്റെ സ്വത്ത് ഏകദേശം എട്ടര ലക്ഷം കോടി ഇന്ത്യൻ രൂപ വരും. ഈ പണത്തിന് ഒരൊറ്റ രാത്രി കൊണ്ട് മൂല്യം നഷ്ടപ്പെട്ടാൽ എങ്ങനുണ്ടാകും? അങ്ങനെയൊന്ന് സംഭവിക്കില്ലെന്ന് ഉറപ്പ്. പക്ഷേ, ബിൽ ഗേറ്റ്സിന്റെ വരുമാനത്തേക്കാൾ കൂടുതൽ മൂല്യം വരുന്ന നോട്ടുകൾ വെറും പേപ്പർ തുണ്ടുകളായി മാറിയ സംഭവം ഇന്ത്യയിൽ നടന്നിട്ടുണ്ട്. 2016 നവംബർ എട്ടിന്. ഏകദേശം 15.44 ലക്ഷം കോടി രൂപ മൂല്യമുള്ള നോട്ടുകൾക്കാണ് അന്ന് ഈ ‘വിധി’ യുണ്ടായത്.