ശരിക്കും രണ്ടു സമാന്തര ലോകങ്ങളിലാണോ നമ്മൾ? സർക്കാരുകളും ജനങ്ങളുമെല്ലാം? സമ്പത്തുള്ളവർക്കു മാത്രം എല്ലാവിധ സൗകര്യങ്ങളും ലഭിക്കുന്ന ഒരു ലോകവും സാധാരണ മനുഷ്യരുടെ ജീവനു പുല്ലുവില പോലും ലഭിക്കാത്ത മറ്റൊരു ലോകവും. അഞ്ചു പേരുടെ മരണത്തിനിടയാക്കിയ അറ്റ്ലാന്റിക് സമുദ്രത്തിലെ ഓഷൻഗേറ്റ് ടൈറ്റൻ പേടക ദുരന്തവും അഞ്ഞൂറോളം പേർ മരിച്ചുവെന്നു സംശയിക്കുന്ന, ഗ്രീസിനു സമീപം മെഡിറ്ററേനിയൻ കടലിലെ അഭയാർഥി ബോട്ട് ദുരന്തവുമാണ് ഈ സംശയത്തിനിടയാക്കുന്നത്.
