സ്മാർട്ട് മീറ്ററിന്റെ കാര്യത്തിൽ ഒടുവിൽ തീരുമാനമായിരിക്കുകയാണ്. സ്മാർട്ട് മീറ്റർ കൊണ്ടുവരാൻ തന്നെയാണ് സര്‍ക്കാർ തീരുമാനം, പക്ഷേ സാധാരണക്കാർക്കു ദോഷകരമാകാത്ത രീതിയിൽ മാത്രം. കേരളത്തിൽ കംപ്യൂട്ടറൈസേഷൻ വന്നതുപോലെ, പ്ലസ്ടു വന്നതുപോലെ ആ വരവിന് ഇത്തിരി താമസമുണ്ടാകുമെന്നു മാത്രം. കേന്ദ്രസർക്കാർ നിര്‍ദ്ദേശിച്ചതില്‍നിന്നു വ്യത്യസ്തമായി ചെലവുകുറച്ച് പദ്ധതി നടപ്പാക്കാനുള്ള സാധ്യതയാണ് കേരളം പരിശോധിക്കുന്നത്. ടോട്ടെക്സ് മാതൃക (ടോട്ടൽ എക്സ്പെൻഡിച്ചർ) ഒഴിവാക്കും. സ്മാർട്ട് മീറ്റർ വേണോ വേണ്ടയോ എന്ന തർക്കം മൂക്കുമ്പോഴും പൊതുജനത്തിൽ വലിയൊരു വിഭാഗത്തിന് ഇത് എന്താണു സംഗതിയെന്ന് ഇപ്പോഴും വലിയ നിശ്ചയമില്ലെന്നതാണ് യാഥാർഥ്യം.
