മണ്ണിനടിയില്‍ നിറയെ ‘പണം’, ജനം പട്ടിണിയിൽ; ‘ദ്രോഹം എന്റെ ജനങ്ങളോട് വേണ്ടെ’ന്ന് പ്രധാനമന്ത്രി; പാപ്പുവയിൽ സംഭവിക്കുന്നത്...

ലോകത്തെ ചെമ്പ്, സ്വർണ നിക്ഷേപങ്ങളില്‍ ഭൂരിഭാഗവുമുള്ള, എണ്ണ, വാതക നിക്ഷേപത്താൽ സമ്പന്നമായ ഒരു രാജ്യം. എന്നാൽ വിരോധാഭാസമെന്നു പറയട്ടെ, അവിടുത്തെ ജനതയിൽ ഏറിയ പങ്കും ദാരിദ്ര്യരേഖയ്ക്ക് താഴെയാണ്. പാപ്പുവ ന്യൂ ഗിനി എന്ന ദ്വീപു രാജ്യത്തിൽ ഏതാനും ദിവസം മുൻപ് നടന്ന കലാപത്തിൽ കൊല്ലപ്പെട്ടത് 16 പേർ. തൊഴിലില്ലായ്മയും ദാരിദ്ര്യവും കൊണ്ട് പൊറുതി മുട്ടിയ ജനം ഒരവസരം കിട്ടിയതോടെ തെരുവിലിറങ്ങി, കടകൾ കൊള്ളയടിച്ചു, സ്ഥാപനങ്ങൾ കത്തിച്ചു. രാജ്യത്ത് നിലവിൽ അടിയന്തരാവസ്ഥ പ്രഖ്യാപിച്ചിരിക്കുകയാണ്. ലോകരാജ്യങ്ങളെ സംബന്ധിച്ചിടത്തോളം ഏറെ തന്ത്രപ്രധാന മേഖല കൂടിയായ പാപ്പുവ ന്യൂ ഗിനിയിൽ നടക്കുന്ന പ്രശ്നങ്ങൾക്ക് ഒട്ടേറെ മാനങ്ങളുണ്ട്. ലോകത്തിലെ ഏറ്റവും വലിയ മൂന്നാമത്തെ ദ്വീപുരാജ്യമായ പാപ്പുവ ന്യൂ ഗിനിയെ കലാപത്തിലേക്ക് നയിച്ചത് എന്തെല്ലാം ഘടകങ്ങളാണ്? എന്താണ് ഈ രാജ്യത്തെ നിലവിലെ സ്ഥിതിഗതി?