ബംഗാളി ഇതര വോട്ടിൽ കണ്ണുവച്ച് ബിജെപി; മമതയുടെ ‘കുടുംബവഴക്കും’ ആയുധം; ഹൗറയുടെ ക്യാപ്റ്റനാകുമോ പ്രസൂൻ?

ജ്യേഷ്ഠനും അനിയന്മാരും അവരുടെ മക്കളുമായി വലിയ കുടുംബമാണെങ്കിലും അനന്തരവൻ അഭിഷേക് ബാനർജി ഒഴികെ ഒരാളെയും രാഷ്ട്രീയത്തിന്റെ പ്രധാന വേദിയിലേക്ക് അടുപ്പിച്ചിട്ടില്ല ബംഗാൾ മുഖ്യമന്ത്രി മമത ബാനർജി. ജനനിബിഡമായ ഹൗറ ലോക്സഭാ മണ്ഡലത്തിൽ ഇന്നു വോട്ടെടുപ്പു നടക്കുമ്പോൾ മമതയുടെ കുടുംബത്തിലെ അസ്വാരസ്യങ്ങളും മണ്ഡലത്തിലെ ചർച്ചയാണ്. മമതയുടെ അനിയൻ സ്വപൻ ബാനർജി ഇവിടെ വിമത സ്ഥാനാർഥിയാകാൻ ഒരുങ്ങിയതാണ്. മമത തള്ളിപ്പറഞ്ഞതോടെ സ്വപൻ മാളത്തിലൊളിച്ചെങ്കിലും വിഭാഗീയപ്രവർത്തനങ്ങൾ വ്യാപകമാണ്. അദ്ദേഹത്തെ സ്ഥാനാർഥിയാക്കാൻ ബിജെപി ശ്രമിച്ചെങ്കിലും നടന്നില്ല.