ബ്രിട്ടനിൽ ചാൾസ് രാജാവിന്റെ കിരീട ധാരണ ചടങ്ങിൽ മകൻ ഹാരി രാജകുമാരൻ മാത്രം പങ്കെടുത്തു. ബ്രിട്ടന്റെ ചരിത്രത്തിലെ ഏറ്റവും പ്രധാനപ്പെട്ട ചടങ്ങിൽ ഹാരി രാജകുമാരന്റെ പത്നി മേഗൻ മാർക്കൽ പങ്കെടുത്തില്ല. മേ​ഗൻ യുഎസിൽ രണ്ടു മക്കൾക്കൊപ്പം തുടർന്നു. കിരീട ധാരണ ചടങ്ങിനൊപ്പം ലോകം ഉറ്റു നോക്കിയിരുന്ന ചോദ്യത്തിന് അതോടെ ഉത്തരമായി. എലിസബത്ത് രാജ്ഞിയുടെ മരണാനന്തരച്ചടങ്ങിൽ, കഴിഞ്ഞ സെപ്റ്റംബറിലാണ് ഇതിനു മുൻപ് ഹാരി രാജകുടുംബാം​ഗങ്ങൾക്കൊപ്പം പ്രത്യക്ഷപ്പെട്ടത്. ബ്രീട്ടീഷ് രാജകുടുംബത്തിന്റെ അരമന രഹസ്യങ്ങൾ ചർച്ച ചെയ്ത ഹാരിയുടെ ‘സ്പെയർ’ (പകരക്കാരൻ) എന്ന ആത്മകഥ പുറത്തു വന്നതാണ് കാരണം.