കർണാടക നിയമസഭാ തിരഞ്ഞെടുപ്പു കഴിഞ്ഞു. 224ൽ 135 സീറ്റും കോൺഗ്രസിനു സ്വന്തം. തിരഞ്ഞെടുപ്പുഫലം വരുന്നതിനു മൂന്നു ദിവസം മുൻപായിരുന്നു വയനാട്ടിലെ ബത്തേരിയിൽ കോൺഗ്രസിന്റെ ലീഡേഴ്സ് മീറ്റ് (നേതൃസംഗമം). കർണാടക ഫലവും ലീഡേഴ്സ് മീറ്റും വിരൽ ചൂണ്ടുന്നത് ഒരേ ദിശയിലേക്കാണ്– 2024ൽ നടക്കാനിരിക്കുന്ന ലോക്സഭാ തിരഞ്ഞെടുപ്പിലേക്ക്. അതു മുന്നിൽക്കണ്ടുകൊണ്ടുതന്നെ കേരളത്തിലെ കോൺഗ്രസിന്റെ പോരാട്ടത്തിനുള്ള കർമപദ്ധതി കെപിസിസി തയാറാക്കിക്കഴിഞ്ഞു.