എസ്എസ്എൽസിക്ക് മുഴുവൻ വിഷയങ്ങൾക്കും എ പ്ലസ് നേടിയാലും ഇഷ്ട വിഷയത്തിന്, ഇഷ്ടപ്പെട്ട സ്കൂളിൽ പ്രവേശനം കിട്ടുമെന്ന് ഉറപ്പുണ്ടോ? ഇല്ലെന്നുതന്നെയാവും കേരളത്തിലെ, പ്രത്യേകിച്ച് വടക്കൻ കേരളത്തിലെ വിദ്യാർഥികളുടെ മറുപടി. ഉപരിപഠനത്തിന് അർഹത നേടുന്ന വിദ്യാർഥികളുടെ എണ്ണത്തിന് ആനുപാതികമായി ഹയർസെക്കൻഡറി സീറ്റുകൾ ഇല്ലെന്ന പരാതിക്ക് വർഷങ്ങളുടെ പഴക്കമുണ്ട്. പ്രശ്നങ്ങളെപ്പറ്റി വിശദമായി പഠിക്കാൻ നിയോഗിച്ച പ്രഫ.വി.കാർത്തികേയൻ നായർ കമ്മിറ്റിയുടെ റിപ്പോർട്ട് പുറത്തുവിടാൻ ഇതുവരെ സർക്കാർ തയാറായിട്ടില്ല.
