മലയാളികളുടെ ജീവിതത്തിൽ നിരന്തര സാന്നിധ്യമാണ് ശുപാർശ. നമ്മുടെ ന്യായവും സാധാരണവുമായ ആവശ്യങ്ങൾ നടന്നുകിട്ടാൻ ശുപാർശ വേണ്ടിവരുന്നു. ന്യായമല്ലാത്ത ആവശ്യങ്ങൾ നേടിയെടുക്കുന്നതും ശുപാർശവഴി തന്നെ. ശുപാർശ സർവവ്യാപിയാണ്. ആശുപത്രിയിലും പൊലീസ് സ്റ്റേഷനിലും അതുണ്ട്. വില്ലേജ് ഓഫിസിലും മന്ത്രി ഓഫിസിലുമുണ്ട്. സർവകലാശാലകളിലും പൊതുമേഖലാ സ്ഥാപനങ്ങളിലുമുണ്ട്.