പൊതുസ്ഥലത്ത് നടത്തിയ അശ്ലീല പരാമർശത്തിന്റെ പേരിലാണ് കഴിഞ്ഞ ദിവസം യൂട്യൂബറെ അറസ്റ്റ് ചെയ്തത്. എന്താണ് അശ്ലീലം? എന്താണ് അശ്ലീലത്തിന്റെ പരിധി എന്നതാണ് അതിനു ശേഷം സമൂഹമാധ്യമങ്ങളിൽ നടക്കുന്ന ചർച്ച. കൃത്യമായി നികുതി അടയ്ക്കാത്തതിന്റെ പേരിൽ യൂട്യൂബർമാരിൽ പലരുടെയും വീടുകൾ റെയ്ഡ് ചെയ്യുകയും കൂടി ചെയ്തതോടെ യൂട്യൂബിൽ നിന്ന് ലഭിക്കുന്ന വരുമാനം, റീച്ച് കിട്ടാൻ സ്വീകരിക്കുന്ന മാർഗങ്ങൾ എന്നിവയെല്ലാം ചോദ്യങ്ങളായി ഉയരുകയാണ്. ഉള്ളടക്കം സംബന്ധിച്ച് എന്താണ് യൂട്യൂബിന്റെ നയം? കുട്ടികളെ ഉപയോഗിച്ച് ആളെക്കൂട്ടുന്ന ചാനലുകൾക്ക് പിടി വീഴുമോ? തട്ടിപ്പുകൾ നിരോധിക്കാൻ വകുപ്പുണ്ടോ?