മാരിറ്റൽ റേപ്: ചോര വാർന്ന് മരിച്ചത് 11 വയസ്സുള്ള ‘ഭാര്യ’; ഭർത്താവിനൊപ്പം പോകാത്തതിന് തടവ്; ആ പെൺകുട്ടികൾ ഓർമിപ്പിക്കുന്നത്...
![Consex-crime-sex 2019ൽ ഹൈദരാബാദിൽ വെറ്ററിനറി ഡോക്ടർ പീഡിപ്പിക്കപ്പെട്ടു കൊല്ലപ്പെട്ട സംഭവത്തെത്തുടർന്ന് നടന്ന പ്രതിഷേധത്തില്നിന്ന് (Photo by Sajjad HUSSAIN / AFP)](https://img-mm.manoramaonline.com/content/dam/mm/mo/news/just-in/images/2023/7/23/marital%20-rape-explained-1.jpg?w=1120&h=583)
Mail This Article
ഭാര്യയുടെ അനുവാദമില്ലാതെ അവളുമായി ലൈംഗിക ബന്ധത്തിലേർപ്പെടാൻ ഭർത്താവിന് അവകാശമുണ്ടോ? ഉഭയസമ്മതമില്ലാതെയുണ്ടാവുന്ന ലൈംഗിക ബന്ധങ്ങൾ ബലാത്സംഗമാണെന്ന് നിയമം പറയുന്നുണ്ടെങ്കിലും അങ്ങനെയൊരു പരാതി പറയാൻ നിയമം അവകാശം തരാത്ത ഒരു വിഭാഗമുണ്ട്; ഭാര്യമാർ. അയൽ രാജ്യമായ പാക്കിസ്ഥാൻ ഉൾപ്പെടെ ‘മാരിറ്റൽ റേപ്പ്’ കുറ്റകൃത്യമാക്കിയിട്ടുണ്ടെങ്കിലും ഇന്ത്യയിൽ ഇക്കാര്യത്തിൽ പതിറ്റാണ്ടുകൾ നീണ്ട ചർച്ചയ്ക്കു ശേഷവും തീരുമാനങ്ങൾ ഉണ്ടായിട്ടില്ല. പുറത്തുവരുന്ന കണക്കുകൾ പറയുന്നതാവട്ടെ ഇന്ത്യയിൽ 80 ശതമാനത്തിൽ അധികം സ്ത്രീകളും വിവാഹബന്ധത്തിനുള്ളിൽ നടക്കുന്ന ബലാത്സംഗങ്ങൾക്ക് വിധേയരാവുന്നുണ്ട് എന്നാണ്. പതിനൊന്നാമത്തെ വയസ്സിൽ, ഭർത്താവിന്റെ ക്രൂര പീഡനമേറ്റു മരിച്ച ഫൂൽമണി ദാസി മുതൽ ഇങ്ങോട്ട് പേരറിയാത്ത ഒരുപാട് സ്ത്രീകളുടെ ദാരുണമായ മരണം കൂടി ഇതിനൊപ്പം ചേർത്തുവായിക്കേണ്ടതുണ്ട്. മാരിറ്റൽ റേപ്പ് കുറ്റകൃത്യമാക്കണം എന്നത് സംബന്ധിച്ച് വിവിധ പരാതികൾ അടുത്ത ദിവസങ്ങളിൽ പരിഗണിക്കാനിരിക്കുകയാണ് സുപ്രീം കോടതി.